*#رسالة_من_مواطن*
*الي السيد رئيس مجلس السياده*
*الفريق ركن عبدالفتاح البرهان*
==================
انا المواطن عصام الكسمبر
بقول ليك ياسعادتك
عليك الله ماتبوظ اعصابنا
براها بايظة وتلفانه
يااخ ماكل مره
الجيش يحرر منطقة
وقبل صوت الذخيرة يقيف
والعجاج واقف فوق
تقوم تتلب فيها
ياخوي روحك دي حقت الشعب السوداني
يعني انت كان قنعان من روحك
الشعب ماقنعان
وكان ماخايف من الموت
نحن خايفين عليك
نحن محتاجين ليك شديد
وبالذات في الفترة الجاية دي
ف دحين
اعصابنا دي والله تاني مابتستحمل
اقعد في كرسيك ده
وبرفعوا ليك التمام بالقضاء
علي جراد الصحراء
وشكرا سعادتك
