امرأه مختلفه
مشاعر عثمان
ملحمة المصفاة
والطريق الي المصفاة معبد بالالغام …..
وعبور كوبري الحلفايا ملئ بالشوق والحنين لبحري سر الهوي
بحري العلاج والدواء …..
حبست الدموع وانا اعلي كبري الحلفايا المعطوب
….
وحشه وغربه بالأمكنة،،،
وقفنا عند غرفة القيادة والسيطرة مباركين النصر والمبين لرجال صنعو هذا الفرح الكبير للشعب السوداني …..
في الكدرو دمار وخراب بإئن علي المحال والشوارع …..
ومن ابوحليمة مرورا بالسروجية،والخوجلاب والكباشي ثم السقاي البتلاب والسقاي السروراب …اصطف الناس علي يمين وشمال الشارع يحتفلون مع رئيس مجلس السيادة القائد العام للقوات المسلحة الفريق أول ركن عبدالفتاح البرهان وأركان حربه مساعد القائد العام الفريق أول ركن ياسر عبدالرحمن العطا والفريق أول ركن ميرغني إدريس وقائد الكدرو اللواء النعمان علي عوضالسيد ووالي الخرطوم الأستاذ أحمد عثمان حمزة …..
يحتفلون مع قواتهم المسلحة ….
مشاهد حية للتاريخ …
اختلطت دموع الرجال بدموع النساء …
زغاريد الناس ودموعهن شكلت لوحة باهية للنصر المؤزر ….
والناس
كل الناس يهتفون …
الله اكبر
جيش واحد
شعب واحد …
نحنا جيش كلنا
شعب واحد وكلنا
….
عند السقاي المصفاة…
سجل أبطال قواتنا المسلحة ملحمة المصفاة تسجل وتدرس للأجيال القادمة ….
طوبى لهؤلاء الرجال أسياد الرجال اللذين ظلو ماسروين داخل مصفاة الجيلي لمدة احد وعشرين شهرا تحت رحمة المليشيا ….لكن رحمة الله أوسع واشمل واكبر ……
في المصفاة مهندسين وعمال رابطو ….ورابطو ..وذاقو مرارة الحرمان من أسرهم كل هذه الشعور …..عناء الاكل والشرب …..والمصير المجهول وهم بأيدي طغاة ظالمين …..
يقول الأمين عبدالرحمن مهندس تكرير في المصفاة وهو من أبناء الكاملين أن …
الشقي بشوف في غيرو
في إشارة منه لانهم كانو ينتظرون أجلهم المحتوم ….
سألته : اطمانيت علي اهلك
لسه والله
هي الكاملين اتحررت
سدت العبرة حلقي …
وذهبت لمهندس البترول عبدالله محمد صالح وهو من ابناء المزروب بكردفان وسألته كيف كنتم تاكلون وتشربون ….
مجازفات يااستاذة عدس وقراصة وموية المنهولات،بنستخدمه برضو
وموية،الشراب في تعب
نحنا اتفجانا،الصباح بدخول الجيش وماكنا،عارفين بره الحاصل شنو ….
اما آدم افرش حارس بوابات المصفاة من ابوجبيهة،فقد جرت دموعه قبل حديثه …..
الوضع عندنا كان سئ للغاية لكن الليلة اليوم عيد ونهدي الانتصارات لكل الشعب السوداني ….
المهندس سيف الدين الصافي من اولاد الحصاحيصا ….
ياسلام ياسلام
الفرحة ماواسعنا والله وعانينا،كتيير،لكن الحمدلله بوصول الجيش ونهدي الانتصارات لكل القوات المسلحة ….
نواصل ….
