خطف الجائزة من كلمة ملهمة لصاحبه
الفائز بالمركز الأول لجائزة (زين) يكشف لفوري كيف الصدارة ب(تتجازف)
تتجازف …زين في حوار مع الفائز بمسابقة صناعة المحتوي
احمد هشام الخير حسين، القادم من الخرطوم سوبا غرب، طالب بكلية الهندسة جامعه السودان للعلوم والتكنولوجيا قسم بكلاريوس هندسة الالكترونيات في المستوى الثالث، حصد المركز الأول في مسابقة (زين) لصناعة المحتوي، وهي مسابقة تدافع لها العديد من الشباب السودانيين الموهبين في صناعة محتوي يحمل المضامين القيمة لمحاربة خطاب الكراهية واعلاء القيمة الإنسانية والسودانية النبيلة، وهي مسابقة جاءت لتعكس الدور المجتمعي البارز لزين على الصعيدين الاجتماعي والثقافي لخدمة المجتمع السوداني، وتكتسب مثل هذه الفعاليات الأهمية في هذا التوقيت الذي يحتاج فيه السودان وشعبه لوحدة الوجدان، نحو غايات الوثاق الاجتماعي ومحاربة أصوات الفتنة، لنرسم مستقبلا جميلا كما (زين عالم جميل) للسودان فوري نيوز تحاور المهندس المبدع أحمد هشام الخير حسن اليكم تفاصيل الحوار…
_ في البدء التهنئة بمناسبة الفوز بالمركز الاول لصناعة المحتوي من زين.
_ الله يبارك فيك
صف لنا احساسك وانت تتلقي خبر الفوز ؟
_ احساس بالفرح والشكر والحمد لله لانو الواحد لمن يتعب ورا حاجة ويلقي مبتغاه في الحاجة ببسط شديد طبعا دي سنة الحياة
_ من اين نبعت فكرة بتتجازف ؟
_فكرة بتتجازف جاءت بصورة عفوية … كنت بتكلم مع صحبي عن حرب السودان وكدا وفي نهاية حديثنا قال لي ” لا تحزن ان الله معنا ” فأستلهمت فكرة الفيديو منها وقلت احول الجملة دي لدارجي سوداني فجاءت معاي كلمة ” بتتجازف ” .
_ الي اي مدي يمكن ان تساهم هذه المسابقة في تحقيق غاياتها النبيلة لنبذ خطاب الكراهية واعلاء القيم الإنسانية والوطنية النبيلة ؟
_ الي ابعد مدي ممكن لأن حاليا الميديا المسيطرة علي الاعلام العام وأغلب الناس بتشاهد الفيديوهات فا لمن يكون في الفيديوهات دي فيها رسالة اكيد حتصل باذن الله والرسالة هي انو الناس ماتتشائم وبكدا نبذنا خطاب الكراهية وفي نفس الوقت وكلوا بهون ليه ؟
لان ” ان الله معانا ” عشان مهما يصيبك ضر هو خير وكل حاجة لي خير ولي حكمة وفترة وبتعدي بإذن آلله عشان كدا بتتجازف.
_ كيف تنظر لدور شركة زين في الجانب والمسؤولية المجتمعية ؟
_ اولا بشكر جدآ شركة زين علي اتاحة الفرصة الكبيرة دي وذات الاهداف السامية دي بالجد حاجة يستاهلوا الشكر فيها ، فاكونهم يعملوا مسابقة عشان الأهداف دي براها حاجة بالدنيا فالكلام لن يصفهم والله.
_ ماهو المطلوب من صناع المحتوي في الظرف الحالي الذي يمر به السودان ؟
_ المطلوب منهم حاجه واحدة بس الوقوف والمساندة لاخوانهم واهلهم بشتي الطرق والاستفادة من الحاجة البقدموها دي والمنصة البقدموا فيها محتواهم دا عشان نقدر ننهض بسودانا ، وابدا ماينسوا اخوانهم المرابطين في المعارك نصرهم الله واهلهم البعانوا من الازمات الفي البلاد كان الله معهم .فادي حاجة مامطلوبه دي حاجه الزامية عليهم .
في النهاية بقول حتتجازف نصر من الله وفتح قريب .
بتتجازف محتواه واضح من الاسم.
لكن لو اتكلمنا بتفاصيل الفكرة انو المشاكل الكانت نتاج الحرب دي كانت اكبر من الحرب ذاتها زي توقف التعليم وفقد الاستقرار بكل انواعو حتى الاستقرار نفسيا كدا وبرضو تجار الازمات وغيرهم
فا الفكرة انو بعد المشاكل دي كلها وازيد منها بعد دا كلو
حتتجازف
يمكن ما شايفين انو الوضع ماشي كويس لكن حتتجازف مدام ربنا دا موجود.
