بقلم : منجد احمد الداتر
راجعو ما كتبته قبل أكثر من شهر وحزرنا ونبحنا وكوركنا وقلنا انو في مجموعة داخل الدولة تسعى للاطاحة بالبرهان، ببساطة لأن البرهان هو حجر العثرة الاخير امام مشروع احتلال السودان .. البرهان ما عميل ولا ينبغي له ان يكون.
في أخطاء في الميدان صااااح
في اخطاء في الاقتصاد صااااح
في اخطاء في إدارة المشهد برمته صااااح
وهذا كله ليس مجرد صدفة وإنما عمل متعوب عليه لتشويه صورة البرهان. انهم الآن يستخدمون ذات المخطط وذات الخطط التي استخدمت ضد البشير .
اي زول في الميدان عارف المشكلة الحقيقية شنو
هي :
1, 2, 3
وبتتعالج وبتحصل في اعتي جيوش العالم وحاجة طبيعية ما يتعلق بالقرارات تم اتخاذها وباقي التفاصيل يجري التعامل معها .
الوعي مهم في هذه المرحلة ، ماف زول بحجر عليك تنتقد دا دورك لان السودان بهمك ولو شفت زول داير يبيعو او يفرط فيه من حقك تنبه.
الحملة الإعلامية كانت عفوية وصادرة من ناس موجوعين يجب أن لا ننجرف معها لنشكك في البرهان و نبقي سبب في تفكك الدولة وهي اصلاً بتعاني من التشرزم.
يريدون ان يستخدموا اقلامكم وصفحاتكم لسحب شعبية البرهان وتركه في العراء تمهيداً للاطاحة به.
يريدون ان يفتوا في عضد اللحمة الوطنية التي تشكلت حول الجيش والتي تضم، إسلاميين، وطنيين، شباب، حركات، أحزاب، نساء…. الخ
هذا المشهد يجب أن نحافظ عليه لأنه يشكل حماية للدولة واستمرارها.
انتقد، صحح، نبه، ازعل، اغضب لكن عاين قدام وخليك صاحي ما تسمح لجهة تستغل غضبك في خراب بلدك
